COVID-19

Cebuano News: ‘Pedicab drivers ug vendors’ nakadawat sa libreng ‘face mask ug ‘face shield’ gikan sa 1DC

MARAWI CITY: Isip usa sa mga frontliners sa pandemya nga coronavirus disease 2019 (COVID-19), 87 ka mga pedicab/tricycle driver ug 267 ka mga vendor kon mamalig-yaay sa Loksadatu Market ning syudad, nakadawat sa libreng mga ‘face shield’ ug ‘face mask’ gikan sa Dansalan College Alumni Association (1DC).

Sa padayon nga pakigtambayayong sa lokal nga gobyerno sa Marawi (LGU Marawi), pinaagi sa City Health Office, City Agriculture Office, ug Office of the Market Superintendent, nagpadayon ang 1DC sa paghatag ug suporta sa mga nag silbing frontliners karong panahon sa krisis.

“Ang mga pedicab drayber ug mga tindera sa merkado mao ang importanteng nagsilbi sa katilingban isip usa sa mga frontliners. Kinahanglan ato silang tabangan sa pagseguro nga ilang masunod ang minimum nga mga protocol sa kahimsog aron masuportahan nila ang ilang pamilya ug ang mga tawo. Nagtoo kami nga pinaagi ani matabangan nato nga masugpo ang posibleng pagkaylap sa maong virus, ”miingon si 1DC President Baealabi Baicon C. Nuska.

Nagpadayag ang LGU Marawi ug City Health Office (CHO) sa Marawi sa ilang pagpasalamat alang sa padayon nga suporta nga gihatag sa 1DC.

“Ang LGU Marawi ug CHO Marawi mapasalamaton sa atong mga partners sama sa 1DC Dansalan College Alumni Association sa ilang pagsuporta sa among mga paagi sa pagpugong aron maseguro nga wala’y COVID-19 nga lokal transmission nga mahitabo sa Marawi City,” matud ni Dr. Ali Dalidig, ang city health officer.

Gipahinumdoman usab ni Dalidig ang mga residente nga “magmabinantayon ug buhaton ang ilang tahas nga himuon ang Marawi nga COVID-free pinaagi sa pagtinabangay sa usag usa sa pag-obserbar sa minimum nga mga protocol sa panglawas sama sa pagsul-ob sa face mask kung mogawas sa ilang balay ug kanunay nga paghugas sa kamot.”

Base sa rekord niadtong Hulyo 20, 2020, aduna nalang unom (6) nga mga kaso sa COVID-19 sa lungsod ug karon kasamtangang gi-isolate sa Siyapen (Care) Center. Kini sila mga locally stranded individuals (LSIs) nga nag positibo sa COVID-19 apan nagpabiling asymptomatic.

(BGE/PIA ICIC/SRNY/RSP)

Categories: COVID-19, Marawi City

Tagged as: , ,

1 reply »

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.